Добун дорҕоон түһүлгэтэ
Ааспыт нэдиэлэҕэ Чурапчы оройуонугар тыыннаах доҕуһуолунан ыллыыр бөлөхтөр икки ардыларыгар аан бастакы күрэх тэриллибитэ 50 сылыгар уонна Саха Сиригэр анал профессиональнай үөрэхтээх музыканнартан «Чороон» вокальнай инструментальнай ансаамбылы төрүттэспит биир дойдулаахтарбыт, айылҕаттан айдарыылаах музыканнар, Чурапчыбыт чаҕылхай уолаттарын сырдык ааттарыгар анаммыт «Добун дорҕоон» тыыннаах музыка Улахан түһүлгэтэ буолан ааста.
Е.С.Дьячковскай ааытынан Мындаҕаайытааҕы НАДь иһинэн үлэлии «Үргэл» вокальнай-инструментальнай бөлөх ситиһиилээхтик кыттан кэллэ.
Ол курдук, «Үргэл» бөлөх салайааччыта Янгвард Ефимов «Бастыҥ гитарист» үрдүк ааты ылары ситиһэн бэйэтин бөлөҕөр үрдүк үөрүүнү аҕалла, нэһилиэккэ тыыннаах музыка сайдарыгар салгыы өссө айымньылаахтык дьарыктаналларыгар олук уурда. .
Янгвард Ефимов гитараҕа эдэр эрдэҕиттэн илиитин араарбакка дьарыктаммыта, Мындаҕаайыга «Үргэл» ВИА салайааччыта буолуоҕуттан сылтан сыл араас саастаах тыыннаах музыканан үлүһүйэр дьону кытта утумнаахтык үлэлэһэр салайааччыбыт сырата таах хаалбатаҕа, үрдүк ситиһии кэлбитэ олус үөрүүлээх.
