Мындаҕаайыга — саҥа кинигэ
Олунньу ый 27 күнүгэр «Д.Т.Брыскаев аатынан Амматааҕы учаастактааҕы балыыһата Чурапчы улууһун Болугур нэһилиэгэр доруобуйа харыстабылын сайдыытын, үлэлээн ааспыт эмчиттэрин туһунан» — диэн альбом-кинигэ сүрэхтэниитэ буолан ааста.
Кинигэни АУБ үлэһиттэрэ Захарова М.С., Старостина М.И., Фомина П.И. хомуйан оҥордулар. Кинигэ «Дани-Алмас» типографияҕа дьҥ экз.бэчээттэнэн таҕыста. Кинигэ альбом форматынан элбэх хаартыскалаах. ҥ:-тан тахса ахтыы киирбит.
5-с түһүмэҕинэн балыыһа историята, Д.Т.Брыскаев, үлэһиттэр ахтыылара, саҥа балыыһа тутуутун хаартыскалара киирбиттэр.
Сүрэхтэниини Мындаҕаайытааҕы модельнай библиотека үлэһитэ Т.И.Егорова иилээн-саҕалаан ыытта. Тэрээһиҥҥэ Чурапчыттан СР доруобуйатын үтүөлээх үлэһитэ, Чурапчы улууһун доруобуйа харыстабылын бэтэрээнэ Александр Иннокентьевич Коркин уонна СР доруобуйатын Үтүөлээх үлэһитэ, Чурапчы историятын, медицинатын туһунан 10-ча кинигэ автора Людмила Михайловна Григорьева ыалдьыттаатылар.
Бу үөрүүлээх түгэҥҥэ кинигэ ааптардарыгар эҕэрдэ, алгыс тыллар этилиннилэр, бэтэрээн үлэһиттэргэ наҕараадалар туттарылыннылар. Бу саҥа кинигэ — биһиги нэһилиэкпит историятын арыйар, үлэлээн ааспыт медицина үлэһиттэрин сыралаах үлэлэрин сырдатар уонна үйэтитиигэ сүҥкэн кылаатынан буолар.
