Анал байыаннай дьайыы (СВО) кыттыылаахтарыгар Болугур нэһилиэгин «Алаһа» дьахтар түмсүүтүттэн көмө салҕанар
Олунньу ый 28 күнүгэр Чурапчыбыт улууһун дьаһалтатыттан Анал байыаннай дьайыыга сылдьар биир дойдулаахтарбытын сирэй көрсө, өйөбүл-тирэх буола, улуус нэһилиэктэриттэн киирбит көмөнү тиэрдэн биэрэ бараллар.
Дьоҥҥо күүс-көмө буолартан хаһан да туора турбат, биир сомоҕо буолан түмсэ түһэр Мындаҕаайыбыт олохтоохторуттан бу да сырыыга күүстээх көмө киирдэ.
Ол курдук, СВО байыастарыгар анаан, 98 лиитэрэ отон сироба, 80 киилэ ыһаарыламмыт собо балык упаковкаланан, барарга бэлэм буолла. Ону таһынан Москваҕа Бурденко аатынан госпитальга эмтэнэ сытар бэйэбит ыччаппытыгар Абрамов Гермаҥҥа төрөөбүт нэһилиэгин дьонуттан диэн анал посылка оҥоһулунна. Итиннэ эбии саамай долгутуулааҕа — нэһилиэкпит кырачаан олохтоохторо, «Ымыы» уһуйаан итиллээччилэрэ бэйэлэрин үтүөнү түстүүр баҕа санааларын уруһуйдаабыттарын ыыттылар.
