Саха Өрөспүүбүлүкэтин Ситэриилээх былааһын отчуота — Мындаҕаайыга
Олунньу 25 күнүгэр Болугур нэһилиэгин дьоно-сэргэтэ Е.С.Дьячковскай аатынан Мындаҕаайытааҕы Норуот айымньытын дьиэтин саалатыгар толору мустаннар, отчуоту болҕойон иһиттилэр, дакылаат сүнньүнэн үгүс ыйытыы киирдэ, сүрүннээн тыа хаһаайыстыбатын боппуруоһун таарыйдылар.. «Земский учитель» курдук программа тыа хаһаайыстыбатын специалистарыгар киирэрэ буоллар, зоотехническэй, агрономическай үлэ хайысхалара сайданнар, т\х салаата, сир үлэтэ сайдыытыгар төһүү күүс буолуо этэ диэн санааларын эттилэр.
Тыа хаһаайыстыбатын сайдыытыгар тус кылаатын, ынах сүөһүнү иитиигэ таһаарыылаах үлэтин иһин СР тыатын хаһаайыстыбатын уонна ас-үөл бэлиитикэтин министиэристибэтин министрин бастакы солбуйааччыта Сахаяна Афанасьевна Павлова Мындаҕаайыга сүөһү иитиитинэн ситиһиилээхтик дьарыктанар «КХ Гермогенов» салайааччытыгар, элбэх оҕолоох эдэр дьиэ кэргэн аҕа баһылыгар Станислав Константиновия Гермогеновка Тыа хаһаайыстыбатын уонна ас-үөл бэлиитикэтин министиэристибэтин Бочуотунай грамотатын үөрүүлээх быһыыга-майгыга туттарда.
