Болугур нэһилиэгэр «Чурапчы улууһа» муниципальнай оройуон баһылыгын 2025 сыллааҕы отчуотун туһунан
Тохсунньу 23 күнүгэр, Болугур нэһилиэгин Е.С.Дьячковскай аатынан Мындаҕаайытааҕы норуот айымньытын дьиэтигэр «Чурапчы улууһа» муниципальнай оройуон баһылыга Саргыдаев С.А. 2025 сыллааҕы үлэтин отчуота буолла.
Нэһилиэк олохтоохторо кулууп дьиэҕэ тобус-толору мустан, отчуоту сэргээн иһиттилэр, дакылаат сүнньүнэн ыйытыылары биэрэн сиһилии эппиэттэри ылан,кэпсэтиигэ көхтөөхтүк кыттан астынан тарҕастылар.
Мустубут дьон, ыытыллыбыт үлэни сөптөөҕүнэн аахтылар.
С.А.Саргыдаев
Анал байыаннай дьайыы байыастарыгар
(СВО) сетка баайыыта, продукта, ичигэс таҥас, эмп-томп, харчынан көмө хомуллуута, арчылыыр-алгыстыыр харысхал оҥорон ыытыы курдук үлэлэр тиһигин быспакка тэриллиилэрин салайан кэлбит Болугур нэһилиэгин «Алаһа» дьахтар түмсүүтүн председателигэр М.А.Дьячковскаяҕа, бастыҥ волонтер ийэлэргэ Татьяна Гермогеноваҕа, Наталья Николаеваҕа СР Правительствотын, Ил Түмэн Судаарыстыбаннай мунньах, СР ыччатын министерствотын Бочуотунай грамоталарын, Махтал суруктарын туттарда.
